Katiko Bundo Kanduang Manangih

Kampuang den nan jauah dimato..
Ibo hati mandanga bundo kanduang manangih
Mancaliak gunuang mangamuak..
Ombak di lautan mahoyak ka daratan
Hutan-hutan lah di tabang sakandak hati...
Ka jadi apo ranah minang kini...?

Kami nan di rantau manangih tuo
Dima kini kampuang nan dulu
Hutan nan hijau...dek banyak papohonan
Gunuang tagak di ateh bumi
Laut tanang jo ikan nan baragam
Anak nagari nan elok budi
Tapi kini....bundo kanduang basadiah hati

Jan di buek nagari awak manjadi pusat mederisasi
Marusak alam untuak pambangunan
Dima-dima ado tampek hiburan
Dak do sarupo dulu...
Langgar jo musholla jadi tampek idaman
Bakumpua ninik mamak jo anak mudo

Onde...yo bana rindu jo maso nan lalu
Ambun pagi mambasahi kaco jandela
Wangi bungo manusuak hidung dek hijau tanah kito
Bia lah awak di kecean ka tinggalan
Asal jan malupoan pasan ILAHI
Anak padusi manjago kehormatan diri
Anak laki-laki manjago nagari

Kampuang kami nan jauah dimato
Raso hati ka pulang mamaluak gunuang
Mandi di aia danau nan sajuak
Marasoan udaro manusuak tulang
Yo bana indah nagari wak dulu

Marilah...marilah sanak ka sadoyo...
Minta ampun kito jo TUHAN
Atas kesalahan jo kekhilapan
Bia tanang hati bundo kanduang
Maliek anak nagari basatu kini

jan lupo jo pepatah minang
'"ADAT BASANDI SARAK-SARAK BASANDI KITABULLAH'"
tanamkan dihati nan paling dalam
mari kito rubah sado nan tasalah

Jan di buek nan di larang agama
Pelo’an langgar jo musholla
Mari wak kumpua barami-rami
Mangabe’an tali nan lah ranggang
Marape'an hati nan lah tapisah..


Pulanglah ka kampuang walau sabanta
Ubek rindu jo kirim  doa
Semoga nan KUASO mambarkati..
amiiieennnnnnn